每逢打風機場都會停止大部分航班升降以策安全，而係呢啲時間玩一轉Flight Simulator就會好明白大風大雨下飛行有幾危險（挑戰性？）。

今次係2號下午1點左右開始玩sim由澳門起飛降落香港，用實時天氣。呢個時候颱風妮妲已經離開香港登陸廣東，八號風球剛已改為三號，風力已大大減弱，但澳門同香港機場仍然吹住20kt(37km/h)以上的南風。小小的B738由澳門機場16跑道起飛時已經被風吹得左搖右擺，降落25R跑道時面對既更係70度的強勁側風，機身必須大幅擺向南面以抵消將飛機吹走的風力，咁先可以向前飛行。

係咁既姿勢下降落的確非常困難，側住降落既話接地時要迅速將飛機擺返正，機頭對正前方時又要打側機身以防飛機滑走，真係少啲技術都會發生意外。今次我的落地做得唔太好，幾乎滑出跑道，好彩修正得切。假如係現實既話環境更複雜，真係隨時出事。

三號風球既威力尚且如此，琴晚八號風時就更加係mission impossible了（不過一眾Flight Simulator玩家會好興奮）。

對抗側風的蟹形進場

側風著陸：https://zh.wikipedia.org/wiki/%E5%81%B4%E9%A2%A8%E8%91%97%E9%99%B8